ZURE TXOKOAN!!!!!!!

Gure irakasle den Anariri elkarrizketa egin genion joan den abenduaren erdialdean. Irratian egin genion elkarrizketa eta arazotxo batzuk izan ditugu gure blog-era igotzeko garaian, baina berandu bada ere lortu dugu. Ezer baino lehen zera aipatu nahi dugu bere lehen kontzertuan jende ugari bildu zela, sarrera guztiak saltzeaz gain jendea kanpoan ere geratu zen, beraz, ZORIONAK ANARI!!! Bestalde, hemen klikatuz gero kontzertuaren eta Anariren inguruan artikulu bat irakurtzea izango duzue. Besterik gabe, ea gustoko duzuen irratsaioa.

Larunbatean banatu dira Beasaingo XVI. lehiaketako sariak. Hasteko, gure Sorgintxo zoriondu behar dugu, hitz lauz zein olerkian aipamen sariak lortu baititu. 162 lan ziren guztira eta horien artean 41 izan ziren sarituak. Aipatu beharra daukagu Jakintza ikastolako ikasleek beren maila erakutsi ahal izan dutela eta asko sarituak izan direla. Xabier Arañaren lana da aipagarriena, hitz lauz zein olerkian 1. sariak lortu baititu. Horrez gain, Esther Eskisabel, Eñaut Agirre eta Garazi Otegi zoriontzen ditugu hemendik eta datorren urterako jende guztia lehiaketa honetan parte hartzera gonbidatzen dugu. Jakintza ikastolan sarituan izan diren lanak irakurri ditzakezue hemen. Horrez gain, jakinarazten dizuegu, larunbat honetan Segura irratian izango dituzuela entzungai Jakintza ikastolako saridunak eta galdera batzuei erantzun ondoren beraien lanen pasarteren bat ere irakurriko dute, beraz badakizue nahi duenak entzun dezala 10etatik 11etara izango den saioan.